मेची राजमार्गअन्तर्गत इलामको रोङ गाउँपालिकास्थित कोल्बुङमा बस दुर्घटना हुँदा एक जनाको मृत्यु भएको छ ।  जिल्ला प्रहरी कार्यालय इलामका प्रहरी उपरीक्षक बासुदेव खतिवडाका अनुसार  धनुषाधाम नगरपालिकाबाट कन्याम घुम्न आएहरु सवार ना ६ ख ८४२४ नम्बरको बस  कोहोलबुङमा राजमार्गबाट खसेर दुर्घटना भएको हो ।

दुर्घटनामा धनुषाधाम ९ धारापानीका १२ वर्षीय अर्पण लामाको मृत्यु भएको प्रहरी उपरिक्षक खतिवडाले बताए । ३६ जना घाइते भएको प्रहरीले जनाएको छ । घाइतेहरुको झापाको विएन्डसि अस्पतालमा उपचार भइरहेको प्रहरीले जनाएको छ । 

घाइतेहरुको अबस्था सामान्य रहेको प्रहरीले जनाएको छ । दुर्घटना भएको गाडी  कुन बिद्यालयको भन्ने खुलिनसकेको प्रहरीले जनाएको छ ।