२१ जेठ २०८३, बिहीबार
बर्दियाको राजापुर नगरपालिका–१० स्थित सुकुम्बासी टोल निवासी २५ वर्षीया ममता सुनारको बाघको आक्रमणबाट मृत्यु भएको छ । आज घाँस काट्ने क्रममा बाघको आक्रमणमा परी उनको मृत्यु भएको जिल्ला प्रहरी कार्यालय बर्दियाका प्रहरी नायब उपरीक्षक तुल्सीराम अर्यालले जानकारी दिए ।
बितेका चार वर्षमा नेपाल–भारत सिमानामा पर्ने वन क्षेत्रमा बाघको आक्रमणबाट राष्ट्रिय वन र निकुञ्ज क्षेत्रमा गरी ३५ जनाको ज्यान गइसकेको छ ।
