२१ जेठ २०८३, बिहीबार
भारतको बिहारमा एक बेहुलाले अनौठो तरिकाले विवाह सम्पन्न गरेका छन् । बेहुली लिन आउँदा ल्यान्डिङका लागि प्रशासनले अनुमति नदिएपछि बेहुलाले हेलिकप्टरबाटै गाउँको ७ फेरा लगाएर विहे सम्पन्न गरेका हुन् ।
यसरी विहे गर्ने थिए जहानाबाद जिल्लाका बेहुला डा विवेक कुमार ।
यता बेहुलीका परिवारले हेलिकप्टर ल्यान्डिङका लागि हेलिप्याड बनाएका थिए । तर सुरक्षाको कारण देखाउँदै जिल्ला प्रशासन कार्यालय, जहानाबादले अनुमति दिएन ।
यसपछि बेहुला विवकेले बेहुली डा मेघारानी दासको गाउँ मोहद्दीपुरको ७ फेरा लगाए । अनि आफ्नै घर जमशेदपुर फर्किए ।
मोहद्दीपुर गाउँका रामानन्द दास आफ्नी डाक्टर छोरी मेघारानीको हेलिकप्टरबाट बिदाइ गर्न चाहन्थे ।
यसैले उनले ९ लाख भारतीय रुपैयाँमा हेलिकप्टर बुकिङ गराएका थिए । प्रशासनले हेलिकप्टरमा जान अनुमति नदिएपछि रामानन्दले बेहुली छोरीलाई घर पठाउन गया विमानस्थलको सहारा लिनुपर्यो । अन्नतः मेघारानी जहाज चढेर बेलुला विवकेको घर जहानाबाद गइन् ।
यी दुईबीचको पहिलो चरणको विहे भने गत सोमबार बोधगयाको एक होटलमा भएको थियो ।
