३१ जेठ २०८३, आइतबार
दाङको लमहीमा हाइस गाडीको ठक्करबाट साइकल यात्रीको मृत्यु भएको छ ।
शुक्रवार बेलुका पश्चिमबाट पूर्वतर्फ जाँदै गरेको रा १ ख २१७३ नम्बरको हाइसले लमही नगरपालिका–७ पदमिनीखोलामा साइकल यात्रीलाई ठक्कर दिएको थियो ।
हाइसको ठक्करबाट गम्भीर घाइते भएका लमही नगरपालिका–७ नयाँबस्ती निवासी ५२ वर्षीय भगत चौधरीको उपचारको क्रममा आज मृत्यु भएको प्रहरीले जनाएको छ ।
घाइते चौधरीलाई लमही अस्पतालमा सामान्य उपचारपश्चात नेपालगन्ज पठाइएको थियो ।
टाउकामा गम्भीर चोट लागेका चौधरीको मृत्यु भएको जिल्ला प्रहरी कार्यालय प्रहरी नायब उपरीक्षक जनकबहादुर मल्लले जानकारी दिए ।
गाडी र चालकलाई प्रहरीले नियन्त्रणमा लिएको छ ।
