२१ असार २०८३, आइतबार
लुम्बिनीमा प्रदेशमा काम गर्ने निजामती कर्मचारीले महिनावारी (पिरियड) बिदा पाउने भएका छन् ।
प्रदेश सभाबाट पारित भई मंसिर २१ गते प्रमाणीकरण भएकेको प्रदेश निजामती सेवाको गठन, सञ्चालन र सेवाका शर्तसम्बन्धी ऐनले ‘महिनावारी बिदा’को व्यवस्था गरेको हो ।
मुख्यमन्त्री तथा मन्त्रिपरिषद् कार्यालय लुम्बिनीका सूचना अधिकारी भूमिश्वर घिमिरेले बिदाको व्यवस्था ऐनले गरेको बताए । महिनावारी बिदा नयाँ व्यवस्था हो ।
‘ऐनले महिनावारी बिदाबारे बोलेको छ,’ सूचना अधिकारी घिमिरेले लोकान्तरसँग भने, ‘अन्य बिदाहरू कटौती भएका छैनन् । कति दिन दिने, को–कोलाई दिने भन्ने कुरा नियमावली नआउँदासम्म थाहा हुँदैन । यो व्यवस्था संघमा पनि छैन ।’
प्रदेश निजामती सेवा विधेयक गत असार २२ गते प्रदेश सभामा दर्ता भएको थियो ।
दर्ता भएको विधेयक दफावार छलफल भएर गएको भदौ २२ गते प्रदेश सभाबाट पारित भएको थियो । प्रदेश निजामती सेवा ऐनको दफा ११७ को (१) (ग) मा यस्तो बिदाको व्यवस्था गरिएको छ ।
हेर्नुहोस्, व्यवस्था :
