कास्कीमा श्रीमतीको हत्या गरेको आरोपमा एक जना पक्राउ परेका छन् ।

पक्राउ पर्नेमा म्याग्दीको धौलागिरि गाउँपालिका – ७ ताकम घर भई हाल पोखरा महानगरपालिका – २९ नौबीसे बस्ने ३६ वर्षीय रत्नबहादुर घर्ती रहेका छन् ।

२८ वर्षीया श्रीमती रेखा घर्तीको हत्या गरेको अभियोगमा उनलाई बिहीवार दिउँसो पक्राउ गरिएको प्रहरीले जनाएको छ ।

रत्नले पोखरा महानगरपालिका – २९ नौबीसे चोकस्थित तोरी बारीमा रेखाको हत्या गरेको सूचना पाएपछि इलाका प्रहरी कार्यालय शिशुवाबाट खटिएको प्रहरीले उनलाई पक्राउ गरेको हो ।

थप अनुसन्धान भइरहेको प्रहरीले जनाएको छ ।