०२ साउन २०८३, शनिबार
राष्ट्रिय सभा सदस्य निर्वाचनअन्तर्गत मधेश प्रदेशबाट नेकपा एमालेका उम्मेदवार अर्जुन सिंह मतदाता नामावलीमै नाम नभेटिएपछि उम्मेदवारी नै दर्ता नै नगराई फर्किएका छन् । महोत्तरीको फुलहट्टा तथा धनुषाको जनकपुरमा समेत घर रहेका सिंहको मतदाता नामावलीमा नाम नभेटिएपछि उम्मेदवारी मनोनयन नभएको एमाले नेता राजकिशोर यादवले बताए ।
सिंह कुपन्डोलस्थित जनकपुर इन्जिनियर कलेजका सञ्चालक हुन् । उनले उम्मेदवारी दर्ता गर्न नपाएपछि अब उनको ठाउँमा कुमारी विजेता उम्मेदवार बन्ने भएकी हुन् ।
उहाँले भक्तपुरबाट नागरिकता पाउनुभएको थियो । घर महोत्तरी भए पनि मतदाता नामावली भने भेटिएन,' यादवले लोकान्तरसँग भने, 'अब अर्जुन सिंहको साटो कुमारी विजेता हाम्रो उम्मेदवार बन्नुभएको छ । अब उनको उम्मेदवारी मनोनयन हुन्छ ।'
कुमारी विजेता यसअघि नेपाली कांग्रेसको धनुषा क्षेत्र नम्बर ३ बाट महाधिवेशन प्रतिनिधि भए पनि २०७९ सालको स्थानीय तहको चुनावमा कांग्रेसले उपमेयरको टिकट नदिएपछि उनी एमालेमा प्रवेश गरेकी थिइन् ।
