३० असार २०८३, मंगलबार
कृष्णप्रसाद सिटौलालाई राष्ट्रिय सभा अध्यक्ष बनाउनकै लागि उम्मेदवार बनाइएको नेपाली कांग्रेसका नेताहरूले बताएका छन् ।
सिटौलाको मनोनयन दर्ता गर्नु पछाडि कांग्रेस कोशी प्रदेश समितिको कार्यालयमा गठबन्धनका नेताहरूबीच छलफल भएको थियो । छलफलमा कांग्रेसका डा. नेता शेखर कोइराला र महामन्त्री विश्वप्रकास शर्मा पनि सहभागी थिए ।
प्रधानमन्त्री पुष्पकमल दाहाल ‘प्रचण्ड’ र कांग्रेस सभापति शेरबहादुर देउवाबीच सिटौलालाई राष्ट्रिय सभा अध्यक्ष बनाउने सहमति भइसकेको नेता शखेर कोइरालाले बताएका बैठकमा सहभागी एक नेताले भने ।
‘गत चुनावमा हारेको मान्छे उठाउन हुँदैन भन्ने पक्षमा हामी थियौं, तर उहाँले शान्ति प्रक्रिया र संविधान निर्माणमा खेलेको भूमिकाका कारण अहिले हाम्रो विमति छैन’, कोइरालाको भनाइ उद्धृत गर्दै ती नेताले भने ।
साथै बैठकमा महामन्त्री विश्वप्रकाश शर्माले पनि सिटौलाले अब राष्ट्रिय सभाको नेतृत्व गर्ने बताएका थिए ।
उक्त छलफलमा नेकपा माओवादी केन्द्र, एकीकृत समाजवादी र जसपाका नेताहरू सहभागी भएका थिए ।
मनोनयन दर्ता गर्न जाँदा सिटौला र चम्पा कार्कीसँगै पुगेका थिए ।
