२९ जेठ २०८३, शुक्रबार
स्नेहित रेड्डीको शानदार शतकीय पारीको मद्दतमा न्युजिल्यान्ड यू-१९ ले नेपाली युवा टोलीसामु ३०३ रनको चुनौती पेश गरेको छ ।
यू-१९ विश्वकप क्रिकेट प्रतियोगिताअन्तर्गत दक्षिण अफ्रिकामा जारी खेलमा रेड्डीले १४७ रनको अविजित पारी खेल्दा नेपालले चुनौतीपूर्ण लक्ष्य पाएको हो ।
निर्धारित ५० ओभरमा ८ विकेट गुमाएर ३०२ रन जोड्ने क्रममा न्युजिल्यान्डका लागि रेड्डीका अलावा ओस्कार ज्याक्सनले ७५ र टम जोन्सले ३३ रनको योगदान गरे ।
नेपालका लागि सुवास भण्डारीले ३, गुल्सन झाले २ तथा दीपेश कंडेल, तिलक भण्डारी र आकाश त्रिपाठीले १-१ विकेट हात पारे ।
प्रतियोगितामा दुवै टोलीले आफ्नो पहिलो खेल खेलिरहेका हुन् । नेपालले केहीबेरमा जवाफी ब्याटिङ गर्नेछ ।
