मल्टिस्टारर फिल्म ‘अगस्त्य’को टिजर सार्वजनिक गरिएको छ । 

निर्माण टिमले आइतबार राजधानीमा एक समारोहको आयोजना गर्दै यो एक्सन फिल्मको टिजर सार्वजनिक गरेको हो । 

टिजरमा फिल्मका शीर्ष कलाकारहरु सौगात मल्ल, नाजिर हुसेन, प्रमोद अग्रहरी, मलिका महतदेखि निश्चल बस्नेतसम्मलाई देखाइएको छ । 

फिल्मले चेलीबेटी बेचबिखनको कथालाई उठान गरेको टिजरबाट अनुमान गर्न सकिन्छ । 

सौरभ चौधरीको लेखन एवं निर्देशन रहेको फिल्ममा बेन बस्नेत, विजय बराल, रविन्द्र झा, शिशिर वाङ्देल, सिम्रन खड्का लगायतको पनि अभिनय छ । 

फागुन १८ गते प्रदर्शन हुने तयारीमा रहेको फिल्मलाई प्रकाश मल्ल, अनिश तामाङ र विनोद पौडेलले निर्माण गरेका हुन् ।

यो फिल्म निर्माण घोषणादेखि नै चर्चामा छ ।