२७ जेठ २०८३, बुधबार
इंग्लिस प्रिमियर लिगको शीर्ष स्थानमा रहेको लिभरपुल दोस्रो स्थानमा रहेको आर्सनलसँग पराजित भएको छ । आइतबार राति भएको खेलमा आर्सनले लिभरपुललाई ३-१ ले हराएको हो ।
आर्सनलको जितमा बुकायो साका, गाब्रिएल मार्टीनेली र लियान्द्रो ट्रोसार्डले एक/एक गोल गरे ।
खेलको १४औं मिनेटमा साकाले गोल गर्दै आर्सनललाई अग्रता दिलाएका थिए ।
पहिलो हाफको अन्त्यतिर लिभरपुलले बराबरी गोल गर्यो। दोस्रो हाफमा आर्सनलमाथि लगातार आक्रमण बुनेको लिभरपुलले दुई गोल खायो ।
६७औं मिनेटमा मार्टीनेलीले गोल गरे । ८८औं मिनेटमा डिफेन्डर इव्राहिम कोनाटे दोहोरो पहेँलो कार्ड खाँदै मैदान बाहिरिएपछि लिभरपुल दश जनमा सीमित भएको थियो । । त्यसको चार मिनेटमा आर्सनलले अर्को गोल थप्यो ।
इन्ज्युरी समयको दोस्रो मिनेटमा ट्रोसार्डले सुन्दर गोल गर्दै खेलमा आर्सनलको जीत सुनिश्चित गरे ।
जितपछि आर्सनलले शीर्ष स्थानको दूरी घटाएको छ । दोस्रो स्थानमा रहेको आर्सनलको २३ खेलमा ४९ अंक छ । लिभरपुल २३ खेलमा ५१ अंकसहित शीर्ष स्थानमा कायम छ ।
