संसद्का नवनियुक्त महासचिव पद्मप्रसाद पाण्डेयले पद तथा गोपनीयताको शपथ ग्रहण गरेका छन् । उनलाई बुधबार बिहान सभामुख देवराज घिमिरेले शपथ खुवाएका हुन् ।

यसअघि प्रतिनिधि सभाका सचिव रहेका उनलाई राष्ट्रपति रामचन्द्र पौडेलले मंगलबारबाटै लागु हुने गरी संसद्को महासचिवमा नियुक्त गरेका थिए ।

मंसिर २५ गते प्रतिनिधिसभा सभामुख र राष्ट्रियसभा अध्यक्षले संयुक्तरूपमा पाण्डेयलाई महासचिवका लागि राष्ट्रपतिसमक्ष सिफारिस गरेका थिए । तर, पाण्डेयको नियुक्तिमा ढिलाइ भएको थियो ।