एकदिवसीय सिरिज अन्तर्गतको दोस्रो खेलमा नेपालविरुद्ध आक्रामक ब्याटिङ गरेका क्यानडाका ओपनर आरोन जोन्सन रनआउट भएका छन् । 

६५ बलमा ६२ रन बनाएर खेलिरहेका जोन्सनलाई भीम सार्की र आशिफ शेखले रनआउट गरेका हुन् ।
 
६२ रन बनाउने क्रममा जोन्सनले १० चौका र दुई छक्का प्रहार गरेका थिए । 

४६ रन हुँदा आकाश चन्दको बलमा सूर्य तामाङले उनको क्याच बाउन्ड्रीमा छोडेका थिए । २४ ओभरमा १४० रन बनाउँदा क्यानडाले २ विकेट गुमाएको छ ।

यसअघि सिनियर टिममा डेब्यु गरेका मिडियम पेश बलर आकाश चन्दले नवनीत धनिवाललाई आशिफ शेखबाट क्याचआउट गराएका थिए । धनिवाल ६० बलमा ४६ रन बनाएर आउट भए । चन्दले ओपनरद्वयको ९४ रनको साझेदारी तोडेका थिए ।