मंसिर ११, २०८०
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
काठमाडाैं | फागुन २, २०८०
बुधबार प्रणय दिवस अर्थात् भ्यालेन्टाइन्स डे । विश्वभर प्रेम साटासाट गरेर यो दिवस मनाउने प्रचलन छ । नेपाली कलाकारिता क्षेत्रमा यस्ता थुप्रै सेलिब्रिटी छन्, जसले खुलेर प्रेम गरिरहेका छन् ।
केहीले प्रेममा रहेर पनि गुपचुप राखिरहेका छन् । कोही प्रेममा परेर छुट्टिसकेका पनि छन् । कोही सेलिब्रिटीको भने प्रेम चर्चा शुरू भएको छ ।
खुलेरै प्रेम सम्बन्धमा रहेकाहरू:
सविन श्रेष्ठ–अनु शाह
अभिनेता सविन श्रेष्ठ र अभिनेत्री अनु शाहले खुलेरै प्रेम गरिरहेका छन् । केही वर्षदेखि प्रेममा रहेका यी दुई सामाजिक सञ्जालमा पनि आफूहरूको सम्बन्ध खुलाउने गरेका छन् । उनीहरूको प्रेमलाई लिएर मिडियामा पनि बारम्बार चर्चा भइरहेको हुन्छ । केही साताअघि मात्रै मिडियासँगको कुराकानीमा अनुले आफूहरू आगामी वर्ष (२०८१)मा वैवाहिक सम्बन्धमा बाँधिने योजना रहेको बताएकी थिइन् ।
पूजा शर्मा र युद्ध बानियाँ
अभिनेत्री पूजा शर्मा विगत ३ वर्षदेखि व्यवसायी युद्ध बानियासँगको प्रेममा छिन् । यी दुईले खुलेरै प्रेम अभिव्यक्त गरिरहेका हुन्छन् ।
उनीहरूले झम्सिखेलमा ‘ट्याग’ नामको रेस्टुरेन्ट समेत सञ्चालनमा ल्याएका छन् । यी दुई आउँदो वर्ष विवाहको तयारीमा रहेको निकटस्थहरू बताउँछन् ।
आना शर्मा र सुशान्त केसी
अभिनेत्री आना शर्मा केही वर्षदेखि गायक सुशान्त केसीसँग अफेयरमा छिन् । यी दुई पनि खुलेरै प्रेम सम्बन्धलाई अभिव्यक्त गरिरहेका हुन्छन् ।
उनीहरूले घुमघाम गरेका तस्वीरहरू समेत सामाजिक सञ्जालमा शेयर गर्ने गरेका हुन्छन् । आना र सुशान्तले सहकार्य गरेको ‘सारंगी’बोलको गीत निकै चलेको थियो ।
आकाश श्रेष्ठ र करुणा श्रेष्ठ
अभिनेता आकाश श्रेष्ठ र अभिनेत्री करुणा श्रेष्ठ केही वर्षदेखि प्रेम सम्बन्धमा छन् । उनीहरूले आफूहरूको सम्बन्धलाई सार्वजनिक रूपमा खुलेर भनेका भने छैनन् । आकाश र करुणाले केही म्युजिक भिडियोमा सहकार्य समेत गरेका छन् ।
अभिनेता सलिनमान बनियाँ
अभिनेता सलिनमान बनियाँ पनि प्रेममा छन् । यी चकलेटी अभिनेता लामो समयदेखि अस्प्रिना श्रेष्ठसँग प्रेममा रहेका हुन् ।
उनले केही वर्षअगाडि आफूहरूबीचको प्रेम सार्वजनिक गरेका थिए । सलिनमानले प्रेमिकाको जन्मदिनमा रिङ उपहार दिएको कुरा गसिपको विषय बनेको थियो ।
अञ्जली अधिकारी
मोडल अञ्जली अधिकारी प्रेममा छिन् भन्ने कुरा उनले सामाजिक सञ्जालमा राख्ने तस्वीरबाटै बुझ्न सकिन्छ । उनले प्रेमीसँगका तस्वीरहरू सामाजिक सञ्जालमा शेयर गरिरहेकी हुन्छिन् ।
यद्यपि, ती युवक को हुन् भन्नेबारे अञ्जलीले केही खुलाएकी छैनन् । उनीनिकट रहेकाहरूका अनुसार अञ्जली केही समयदेखि प्रेममा छिन् ।
प्रेमको विषयमा लोकान्तरसँगको कुराकानीमा अञ्जलीले समय आएपछि सबै कुरा आफैं जानकारी गराउने बताएकी थिइन् ।
जो छुट्टिन पुगे:
सौगात मल्ल र सृष्टि श्रेष्ठ
अभिनेता सौगात मल्ल र पूर्वमिस नेपाल एवं अभिनेत्री सृष्टि श्रेष्ठ सात वर्ष लामो प्रेममा थिए । उनीहरूले आफूहरूको प्रेमलाई लुकाएका पनि थिएनन् ।
लिभिङ टुगेदरमा रहेको र विवाहको योजना बनिसकेको कुरा समेत उनीहरूले खुलाएका थिए ।
यद्यपि, गत वर्ष यी दुई आफूहरूको प्रेम सम्बन्धलाई टुंग्याउँदै अलग हुने निर्णयमा पुगे । काममा फोकस हुनुपर्ने भएकाले आफूहरू अलग भएको सौगातले बताएका थिए ।
मेलिना राई
गायिका मेलिना राई एरेन्जर तथा गिटारिस्ट सञ्जीव बराइलीसँग प्रेममा थिइन् । यी दुईले इन्गेजमेन्ट गर्दै विवाहको तयारी समेत गरेका थिए ।
गत वर्ष वैशाखमा मेलिनाले यो खबर सार्वजनिक गरेकी थिइन् । त्यसको चार महिनापछि भने मेलिनाले आफूले इन्गेजमेन्ट तोडेको भन्दै स्टाटस लेखेकी थिइन् ।
एलिना चौहान
गायिका एलिना चौहानको प्रेमको खबरले पनि सांगीतिक क्षेत्रमा राम्रै चर्चा पायो । उनी अस्ट्रेलिया बस्ने विष्णु सापकोटासँग प्रेममा थिइन् ।
यी दुईका टिकटक भिडियोलाई लिएर पनि राम्रै चर्चा हुने गरेको थियो । यद्यपि, अन्ततः एलिना र विष्णुको सम्बन्धमा दरार आयो ।
केही साताअघि मात्रै एलिनाको ‘ब्रेकअप’को खबर सार्वजनिक भएको थियो ।
जसको चर्चा चल्छ
अनमोल केसी र जसिता गुरुङ
अभिनेता अनमोल केसी र अभिनेत्री जसिता गुरुङ प्रेम सम्बन्धमा रहेको चर्चा फिल्म वृत्तमा चल्न थालेको छ । यी दुईले पछिल्लो समय फिल्म ‘फर्की फर्की’मा सँगै काम गरेका थिए ।
जसिताले अनमोलको निकै केयर गर्ने गरेको गसिपहरू समेत सार्वजनिक भएका थिए । यद्यपि, यी दुईले प्रेमको विषयमा केही बोलेका भने छैनन् ।
महेश काफ्ले र अस्मिता अधिकारी
गायक महेश काफ्ले र गायिका अस्मिता अधिकारी प्रेममा रहेको चर्चा सांगीतिक वृत्तमा हुने गरेको छ । केही गीतमा सहकार्य गरेका उनीहरूले केही कार्यक्रममा सँगै प्रस्तुति समेत दिएका छन् । यी दुईले आफूहरू असल साथी भएको बताउँदै आएका छन् ।
रचना रिमाल
गायिका रचना रिमाल प्रेममा रहेको चर्चा पछिल्लो समय सांगीतिक वृत्तमा हुन थालेको छ । उनी आफ्नो क्षेत्रभन्दा बाहिरका युवकसँग प्रेममा रहेको चर्चा हुने गरेको हो । यो विषयमा रचनाले भने केही खुलाएकी छैनन् ।
केही साताअघि मात्रै रचना राष्ट्रपति रामचन्द्र पौडेलको हातबाट सम्मानित हुँदा समेत ती युवकले तस्वीर पोस्ट गर्दै बधाई दिएका थिए ।
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
मोडल एवं अभिनेत्री दीपाशा बीसी ‘जलपरी’को मृत्यु भएको छ । स्वास्थ्यमा समस्या आएपछि बुधवार राति थापाथलीस्थित नर्भिक अस्पताल भर्ना भएकी २८ वर्षीया उनको बिहीवार दिउँसो मृत्यु भएको हो । अस्पतालले उनलाई म...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
ढुंगामाटोले बनेको घरको आँगनमा घरतर्फै फर्किएर केही मानिसहरू लाइन लागेका छन् । बार्दलीमा झुन्ड्याइएको ब्यानरमा लेखिएको छ, सक्किगोनि । ब्यानरको छेउमा उभिएका छन्, अर्जुन घिमिरे (पाँडे) । यो चर्चित ह...
अस्ट्रेलियाको एक साङ्गीतिक कार्यक्रममा गायक सुगम पोखरेलले दर्शकलाई माइकले हानेका छन् । आइतवार बिहानैदेखि सामाजिक सञ्जालमा उक्त भिडियो भाइरल भइरहेका छन् । शुक्रवार राती नेपालमा गएको भूकम्पमा ज्यान गु...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...