त्रिभुवन विश्वविद्यालयको उपकुलपति प्रक्रिया अन्तरगत आइतबार अन्तरवार्ता हुने भएको छ ।  सर्टलिस्टमा परेका १४ जनाको आइतबार अन्तर्वार्ता हुने भएको हो । 

कुलपति एवं प्रधानमन्त्री पुष्पकमल दाहालको निर्देशनमा उपकुलपति नियुक्तिका लागि नाम सिफारिस समितिले सो तयारी गरेको हो। यसअघि फागुन २ गते १४ जनाको सोचपत्र र व्यावसायिक कार्ययोजनाको प्रस्तुतीकरण भइसकेको छ । 

शिक्षा, विज्ञान तथा प्रविधि मन्त्रालयका प्रवक्ता शिवकुमार सापकोटाले सबै जनाको अन्तर्वार्ता सकेर फागुन  तेस्रो साताभित्र उपकुलपति नियुक्ति हुने  जानकारी दिए ।