२१ असार २०८३, आइतबार
आइसीसी विश्वकप क्रिकेट लिग–२ अन्तर्गतको नामिबिया विरुद्धको खेलमा नेपालले पहिले ब्याटिङ गर्ने भएको छ । नामिबियाले टस जितेर फिल्डिङ रोजेपछि नेपालले पहिले ब्याटिङ गर्ने भएको हो ।
नेपालले आजको खेलमा टोलीमा एक परिवर्तन गरेको छ । गुलशन झा बेन्चमा बस्दा करण केसी टोलीमा फर्किएका छन् ।
विश्वकप लिग-२ को जारी शृंखलामा टस जितेका टोलीले पहिला बलिङ रोजेका छन् । पहिला बलिङ गरेका टोलीले खेल जितेका छन् । यसअघि टस हारेर पहिला ब्याटिङ गर्ने तीनै टोली पराजित भएका थिए ।
नामिबियाले पहिलो खेलमा नेपाललाई ४ विकेटले हराएको थियो । दोस्रो खेलमा भने नेपालले नेदरल्यान्ड्सलाई ९ विकेटले पराजित गरेको थियो ।
