काठमाडौं २२ असोज– गोपाल खड्कालाई नेपाल आयल निगमको कार्यकारी निर्देशकबाट हटाउने निर्णय तत्काल कार्यान्वयन नगर्न सर्वोच्च अदालतले सरकारका नाममा अन्तरिम आदेश जारी गरेको छ ।
न्यायाधीश पुरुषोत्तम भण्डारीको एकल इजलासले खड्कालाई हटाउने निर्णय तत्काल कार्यान्वयन नगर्न सरकारलाई भनेको हो । यसअघि आफूलाई स्पष्टीकरणको मौका समेत नदिइ सरकारले निलम्बन गरेको भन्दै खड्का असोज ४ गते सर्वोच्च पुगेका थिए ।
नेपाल आयल निगमको जग्गा खरिदमा अनियमितता गरेको भन्दै सरकारले खड्कालाई निलम्बन गरेको थियो ।
