०८ साउन २०८३, शुक्रबार
विवादमा परेका तीनजना मन्त्रीको राजीनामा माग गर्दै प्रमुख प्रतिपक्षी दल नेकपा एमालेले संसद्मा नाराबाजी गरेको छ ।
सोमबार बसेको प्रतिनिधि सभा बैठकको शुरूमै सभामुखसँग समय लिएर एमालेका गोकुल बाँस्कोटाले प्रधानमन्त्रीको जवाफ माग गरेका थिए ।
त्यसपछि अन्य विपक्षी दलले बोलेका थिए । त्यसपछि सभामुखले संसद्को कारबाही अगाडि बढाउन खोज्दा एमाले सांसदले नाराबाजी गरेका हुन् । एमाले सचेतक महेश बर्तौलाले प्रधानमन्त्रीको जवाफ नआएसम्म संसद् चल्न नसक्ने बताए ।
‘संसद्को यो भन्दा ठूलो अपमान के हुन्छ ? राजीनामा माग गरेका मन्त्रीलाई संसद्मा प्रस्ताव पेश गर्न कार्यसूची राख्ने कुरा हामीलाई मान्य छैन,’ बर्तौलाले भने ।
एमालेकै रघु पन्तले सभामुखको रुलिङभन्दा सरकारको तर्फबाट निकास माग गरे ।
