भारतीय अभिनेता गोविन्दाले नेपालको रौतहटको मौलापुरमा आफ्नो प्रस्तुति दिएका छन् । 

शुक्रबार मौलापुरमा आयोजित मधानी महोत्सवमा गोविन्दाले गीत तथा नृत्य प्रस्तुत गरे । महोत्सवमा विशेष पाहुनाका रुपमा गोविन्दा सहभागी थिए ।

नेपाली अभिनेता पल शाहसहित भोजपुरी चलचित्रका कलाकारहरू समेत महोत्सवमा सहभागी रहे । कलाकारहरूको प्रस्तुति हेर्न हजारौंको संख्यामा दर्शकहरू मौलापुर पुगेका थिए । 

गोविन्दाले रौतहट आउन पाउँदा आफूलाई निकै खुशी लागेको बताएका थिए । मौलापुर नगरपालिकाले आयोजना गरेको महोत्सवलाई सञ्चारकर्मी दिनेश डिसीले होस्ट गरेका थिए । 

सीमावर्ती विहारको पटना हुँदै बिहीवार नेपाल आएका गोविन्दा शनिवार भारत फर्किने बताइएको छ ।