प्रधानसेनापति प्रभुराम शर्मा र नेपालको भ्रमणमा रहेका चिनियाँ जनमुक्ति सेनाका उपप्रमुख मेजर जनरल झाङ पाकुनबीच भेटवार्ता भएको छ ।

आइतवार जङ्गी अड्डामा भएको शिष्टाचार भेटवार्तामा उनीहरूबीच दुई छिमेकी देशका साथै नेपाली सेना र चिनियाँ जनमुक्ति सेनाबीच रहिआएको सम्बन्धका विविध पक्षमा छलफल भएको थियो ।

यस्तै आपसी चासोका विषयमा समेत छलफल भएको सैनिक जनसम्पर्क निर्देशनालयले जनाएको छ ।

शनिवारदेखि नेपाल भ्रमणमा रहेको उपप्रमुख पाकुन नेतृत्वको छ सदस्यीय टोलीले काठमाडौं, लुम्बिनी तथा पोखराका विभिन्न सांस्कृतिक र पर्यटकीयस्थलको भ्रमण गर्ने कार्यक्रम छ ।​

४ दिवसीय भ्रमणका लागि नेपाल आएको उक्त टोली यही फागुन २९ गते स्वदेश फर्कनेछ ।