कात्तिक २९, २०८०
हमासको कमान्ड सेन्टरलाई निशाना बनाउँदै इजराइली सेना बुधबार गाजाको सबैभन्दा ठूलो अस्पतालमा प्रवेश गरेको छ । हजारौँ बिरामी र आश्रय लिएका नागरिकहरू रहेको अस्पतालमुनि हमासको कमान्ड सेन्टर रहेको सेनाले बताएको छ ...
काठमाडाैं | चैत ११, २०८०
एलोन मस्कको ब्रेन-चिप स्टार्ट-अप न्युरोलिंकको मानव परीक्षणको हिस्सा रहेका एक एक्स (ट्विटर) प्रयोगकर्ताले आफूले सोचेकै आधारमा एक्समा पोस्ट गर्न सम्भव भएको दाबी गरेका छन् ।
'म बोट हुँ कि भन्ने शंकाका आधारमा ट्विटरले मलाई प्रतिबन्ध लगाएको थियो,' परीक्षणका क्रममा २९ वर्षीय नोल्याण्ड अर्बाखले दिमागको सहारामा एक्समा लेखेका छन्, 'म म नै भएकाले एक्स र एलोन मस्कले मलाई पुनः स्थापित गरे ।'
अर्बाखको पोस्टमाथि जवाफ दिँदै एलोन मस्कले उल्लेख गरेका छन्, 'न्यूरोलिंक टेलिप्याथी उपकरण प्रयोग गरेर सोचेर मात्र लेखिएको पहिलो पोस्ट !'
यही मार्च २० मा मस्कले अनलाइन चेस खेल्न 'मस्तिष्क चिप' प्रयोग गरेका तिनै अर्बाखलाई लाइभ टेलिभिजनमार्फत सार्वजनिक गरेका थिए । त्यसलगत्तै सोचेर नै ट्वीट गरिएको घटना उजागर भएको थियो ।
अर्बाख दुर्घटनाका कारण पक्षाघातबाट पीडित थिए, उनीमाथि न्यूरोलिंक परीक्षण गरिएको थियो ।
न्यूरोलिंक उपकरण प्रयोग गरेर अर्बाखले ल्यापटपको कर्सर नियन्त्रण गरेका थिए । उनले जनवरी २०२४ मा न्यूरोलिंक उपकरण प्रत्यारोपण गराएका थिए ।
सोही उपकरण प्रयोग गरेर आफ्नो सोचमार्फत माउसको क्रसर नियन्त्रण गरेको मस्कले दाबी गरेका छन् ।
'न्यूरोलिंक इम्प्लान्टको उद्देश्य व्यक्तिलाई कम्प्युटर कर्सर वा किबोर्डलाई उनीहरूको सोचमार्फत हेरफेर गर्ने बनाउनु हो,' समाचार संस्था रोयटर्सले आफ्नो एक रिपोर्टमा उल्लेख गरेको छ ।
शल्यक्रियामार्फत उक्त उपकरण इम्प्लान्ट गरिएपछि अर्बाखले कुनै कमजोरी महसुस गरेको बताएका छैनन् ।
'शल्यक्रिया सुपर इजी थियो,' अर्बाखले भनेका छन् । उनी एक दिनमै अस्पतालबाट डिस्चार्ज भएका थिए ।
पक्षघातबाट पीडित अर्बाख पुनः चेस खेल्न सफल भएपछि उनले एलोन मस्कको न्यूरोलिंकप्रति कृतज्ञता व्यक्त गरेका छन् ।
उनले भने, 'यो जीवन परिवर्तन गर्ने अभियान हो र म कृतज्ञ छु ।'
यद्यपि एक कार्यक्रममा बोल्दै युनाइटेड स्टेट्स नेशनल इन्स्टिच्युट अफ हेल्थको न्यूरल इन्जिनियरिङका लागि पूर्वनिर्देशक किप लुडविगले न्यूरोलिङ्कको प्रदर्शन 'ब्रेकथ्रु' नभएको बताए ।
उनले प्रत्यारोपणपछिको प्रारम्भिक चरण र न्यूरोलिंक बिरामी दुवैलाई नियन्त्रण गर्ने प्रक्रिया लामो रहेको बताए । यद्यपि लुडविगले कम्प्युटरसँग इन्टरफेस गर्ने प्रक्रिया सकारात्मक रहेको बताएका छन् ।
अर्बाखले पनि यो प्रविधि पूर्ण नभएको र केही समस्या रहेको स्वीकारेका छन् ।
'म यो यात्राको अन्त्य हो भनेर सोच्न चाहन्नँ,' उनले भने, ' अझै धेरै काम गर्न बाँकी छ, तर यसले मेरो जीवन परिवर्तन गरिसकेको छ ।'
हमासको कमान्ड सेन्टरलाई निशाना बनाउँदै इजराइली सेना बुधबार गाजाको सबैभन्दा ठूलो अस्पतालमा प्रवेश गरेको छ । हजारौँ बिरामी र आश्रय लिएका नागरिकहरू रहेको अस्पतालमुनि हमासको कमान्ड सेन्टर रहेको सेनाले बताएको छ ...
पेट्रो चीनको शाखा चाङ्छिङ तेल क्षेत्रले उत्तरपश्चिम गान्सु प्रान्तको ह्वान्सियान काउन्टीमा १० करोड टनभन्दा बढी भूगर्भीय भण्डार भएको तेल क्षेत्र फेला पारेको छ। हालसम्म चाङ्छिङ आयलफिल्डले यस क्षेत्रमा ५०.२४ मिलियन टनको...
आफ्नै साथीले छुरा प्रहार गर्दा पोर्चुगलमा एक नेपाली युवकको मृत्यु भएको छ । छुरा प्रहारबाट गम्भीर घाइते भएका कुश्मा नपा–१३, खौला, पर्वतका ३६ वर्षीय धनबहादुर क्षेत्रीको उपचारका क्रममा निधन मृत्यु भएको हो ।&n...
किभ– युक्रेनका राष्ट्रपति भोलोदिमिर जेलेन्स्कीले निर्वाचनका लागि यो सही समय भएको हो भन्ने आफूलाई विश्वास नभएको बताएका छन् । सन् २०२४ मा राष्ट्रपति निर्वाचनका बारेमा तीव्र बहस हुँदै गएपछि रुसी आक्रमणविरुद्ध ह...
अमेरिका र बेलायतका सेनाले बिहीवार यमनको हुथी नियन्त्रित कैयौं क्षेत्रहरूमा हवाई हमला शुरू गरेका छन् । लाल सागर (रेड सी) हुँदै सामान ओसारपोसार गर्ने कमर्सियल जहाजमाथि पटक-पटकको ड्रोन हमला तत्काल रोक्न...
सोउल– उत्तर कोरियाले दूतावास बन्द गर्ने हालैको शृङ्खला आफ्नो बाह्य सम्बन्ध सुधार गर्नका लागि ‘नियमित मामिला’ भएको स्पष्ट पारेको छ । दक्षिण कोरियाले आर्थिक सङ्कटका कारण दूतावास बन्द गरेको दाबी गर...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...