नेपाल भ्रमणमा रहेको आयरल्यान्ड 'ए'विरुद्ध नेपालले दोस्रो टी-२० मा पनि सहज ७१ रनको जीत हात पारेको छ ।

पहिलोमा ६ विकेट र दोस्रो पनि सहज जीत हात पारेपछि नेपाल २–० जित्न पुग्यो । टस जितेर ब्याटिङ गर्दै १९९ रनको लक्ष्य दिएको नेपालले आयरल्याण्डविरुद्ध ७१ रनको जीत दर्ता गरेको हो । 

२० ओभरमा ७ विकेट गुमाउँदै नेपालले १९९ रनको लक्ष्य दिएको थियो । नेपाली बलरसामु टिक्न नसक्दा आयरल्यान्ड १८.३ ओभरमा १२७ रन बनाउँदै अलआउट भयो ।​

आयरल्यान्डका लागि स्टेफन दोहनीले २६, मोर्गन टोपीलले २१, केड कार्रिमेचलले १८, कप्तान नेल रकले १७, रोस अडेरले १७ रन बनाए । 

८ बलर खेलाएको नेपालका लागि कुशल मल्ल र सोमपाल कामीले ३/३ विकेट लिए ।

करण केसी, विवेक यादव र कुशल भुर्तेलले एकएक विकेट लिए ।​

आयरल्यान्डलाई चुनौतीपूर्ण लक्ष्य दिने क्रममा नेपालका लागि गुल्सन झाले सर्वाधिक ४६ रन बनाए । कुशल मल्लले १३ बलमै ३४ रन बनाउँदा रोहित पौडेलले ३३ रनको योगदान दिए । 

कुशल भुर्तेलले २५, सन्दीप जोराले १० बलमा २१, अनिल साहले १२ र आसिफ शेखले ११ रनको योगदान दिए । डेब्यु गरेका विवेक यादवले ८ बलमा ७ रन बनाए । 

सोमवार पहिलो खेलमा नेपाल ६ विकेटले विजयी भएको थियो ।