×

NMB BANK
NIC ASIA

कोशीमा सरकार फेरबदलको कसरतः गठबन्धनमा आबद्ध पार्टीका संसदीय दलका नेता छलफलमा

विराटनगर | चैत १४, २०८०

NTC
Premier Steels

केन्द्रमा सत्ता समीकरण फेरिएको तीन हप्तापछि कोशी प्रदेशमा सरकार फेरबदलको विषयले औपचारिक रुपमै प्रवेश पाएको छ ।

Muktinath Bank

नयाँ गठबन्धनका नेताहरूले बुधवारदेखि औपचारिक रुपमै छलफल थालेका हुन् ।   


Advertisment
RMC TANSEN
IME BANK INNEWS
shivam ISLAND

प्रदेश सरकारमा कसले नेतृत्व पाउने भन्ने विषय टुंगोमा पुगिनसकेको अवस्थामा बुधवार प्रदेशको राजधानी विराटनगरमा तीन दलका नेताले छलफल गर्ने जनाइएको छ । नेकपा (एमाले) संसदीय दलका नेता हिक्मत कार्की, नेकपा (माओवादी केन्द्र)का संसदीय दलका नेता इन्द्र आङ्बो र नेकपा (एकीकृत समाजवादी) संसदीय दलका नेता राजेन्द्र राईबीच छलफल हुन लागेको हो । 


Advertisment
Nabil box
Kumari

विशेषगरी मुख्यमन्त्रीमा एमाले र माओवादी केन्द्रले दाबी गरिरहेका छन् । तथापि एमालेले नेतृत्व गर्ने सहमति भइसकेको सो दलका नेताहरूले दाबी गर्दै आइरहेका छन् । अर्कोतिर माओवादीले भने सहमति भइनसकेको जनाएको छ । 

Vianet communication

एमाले संसदीय दलका नेता कार्की पनि विराटनगरमै रहेकाले बुधवार नै छलफल हुने एकीकृत समाजवादीका सचिवसमेत रहेका संसदीय दलका नेता राईले बताए । साँझसम्ममा तीनै जनाबीच छलफल हुने माओवादी केन्द्र संसदीय दलका नेता आङ्बोले पनि पृष्टि गरे । 

राई बुधवार नै गृहजिल्ला भोजपुरबाट विराटनगरमा आएका हुन् भने आङ्बो पनि मंगलवार साँझ नै आएका हुन । कार्की पनि एमाले उदयपुरको जिल्ला अधिवेशन पछि विराटनगर नै आएका छन् । 

नयाँ समीकरणअनुसार अब कसरी अगाडि बढ्ने भनेर तीन नेताबीच छलफल हुने जनाइएको छ । गत फागुन २१ गते केन्द्रमा नयाँ गठबन्धन बनेपछि कोशीमा पनि त्यसको असर परेको छ । 

केदार कार्की गत असोज २७ गते एमालेको समर्थनमा कोशीको मुख्यमन्त्री बनेका थिए । उनले आफ्नो दल कांग्रेसबाट ८ सांसद लिएर विद्रोह गरेका थिए । अहिले मुख्यमन्त्री कार्की नेतृत्वको सरकार एमालेले नै ढाल्न हतारो गरिरहेको छ । 

बुधवार तीन नेताबीच सरकारलाई दिएको समर्थन तथा सत्ता गठबन्धनमा रहेका दलहरूले मन्त्री फिर्ता बोलाउने विषयमा छलफल हुने एमालेका प्रमुख सचेतक रेवतीरमण भण्डारीले बताए  । केन्द्रमा समीकरण फेरिँदासम्म अहिलेसम्म पनि  प्रदेश सरकारमा माओवादी र एकीकृत समाजवादी सहभागी छन् । मुख्यमन्त्री कार्कीले कात्तिक १६ गते माओवादी केन्द्र र एकीकृत समाजवादीलाई सरकारमा सहभागी गराएपछि एमाले सरकारबाट बाहिरिएको थियो । माओवादीबाट तीन र एकीकृत समाजवादीबाट एक मन्त्री सरकारमा सामेल छन् । 

संविधानको धारा १६८ को उपधारा ५ अनुसार मुख्यमन्त्री भएका कार्कीले भने आफ्नो सरकारको विकल्प नरहेको जिकिर गर्दै आएका छन् । 

कोशीमा एमालेको ४०, कांग्रेसको २९, माओवादी केन्द्रको १३, राष्ट्रिय प्रजातन्त्र पार्टी (राप्रपा)को ६, एकीकृत समाजवादीको चार र जनता समाजवादी पार्टीका एक सांसद छन् । ९३ सदस्यीय प्रदेशसभामा बहुमत पुर्याएर सरकार गठन गर्न कम्तीमा ४७ सांसदको साथ आवश्यकता पर्छ ।

hAMROPATRO BELOW NEWS
TATA Below
मंसिर २४, २०८०

 नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...

फागुन २८, २०७९

जसपाबाट उपराष्ट्रपतिमा रामसहाय यादवको उम्मेदवारी कायम भएको छ।  सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...

कात्तिक २०, २०८०

नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...

मंसिर १६, २०८०

नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...

कात्तिक २२, २०८०

दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...

मंसिर ६, २०८०

मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् ।  नेपाल प्रहरीले प्...

सत्ताबाट अवकाश पाएको कांग्रेसलाई आएको नयाँ अवसर

सत्ताबाट अवकाश पाएको कांग्रेसलाई आएको नयाँ अवसर

जेठ ७, २०८१

यतिबेला नेपालको राजनीति बहुचर्चित सहकारी प्रकरण र यसमा संलग्न व्यक्तिउपर छानबिन तथा कारबाहीका लागि संसदीय समिति गठन हुने कि नहुने भन्ने विषयमा केन्द्रित छ । यो विषय यति पेचिलो हुनुको कारण बहालवाला गृहमन्त्री...

प्रकृतिको गीत

प्रकृतिको गीत

जेठ ५, २०८१

सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...

दक्षिणपन्थ र अवसरवादको चाङबाट माधव नेपालको छटपटी !

दक्षिणपन्थ र अवसरवादको चाङबाट माधव नेपालको छटपटी !

जेठ २, २०८१

नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...

x