२२ असार २०८३, सोमबार
ललितपुरको हात्तीवनस्थित एक फर्निचर उद्योगमा आगलागी हुँदा एक जनाको मृत्यु भएको छ । ललितपुर महानगरपालिका-२३, हात्तीवनस्थित सिक्मा मेटल इन्टेक्स प्रालिमा भएको आगलागीमा एक पुरुषको मृत्यु भएको जिल्ला प्रहरी परिसर ललितपुरले जनाएको छ ।
प्रहरीका अनुसार शव डढेको अवस्थामा रहेकाले पहिचान हुन सकेको छैन । पोस्टमार्टमका लागि शव अस्पताल लाने तयारी प्रहरीले गरेको छ । मृतक त्यहीँ काम गर्ने कामदार हुनसक्ने अनुमान छ । आगलागीबाट भएको क्षतिको यकिन विवरण आउन बाँकी छ ।
