धोबीखोला करिडोर अन्तर्गत सेतो पुलदेखि अनामनगरसम्मको क्षेत्र सफाइ थालिएको छ ।

चैत १८ गतेदेखि धोबीखोला अथवा रुद्रमति र बागमती नदी दोभानबाट रुद्रमतीको शिरतर्फ सफाइ शुरू भएको हो ।

श्रम बैङ्कबाट उपलब्ध ५५ जना जनशक्तिलाई ४ समूह बनाएर नदीको सफाइ भइरहेको छ । सफाइ हरेक दिन बिहान ७ बजेदेखि दिउँसो २ बजेसम्म हुने गरेको छ ।

पहिलो चरणमा खोलाको फोहोर उठाएर छेउमा जम्मा गरिनेछ भने फोहोर पूर्णरुपमा जम्मा गरिसकेपछि डोजर लगाएर झिकिने छ ।

काठमाडौंमा मुख्य ९ वटा नदी छन् ।

सफाइका क्रममा सबैभन्दा धेरै फोहोर प्लाष्टिकजन्य सामग्री छन् भने त्यसपछि कपडा भेटिएको छ ।

घाट क्षेत्रमा काठ, दाउरा, कोइला, कपडादेखि अन्य विभिन्न प्रकारका फोहोर भेटिने गरेको छ ।

यी मध्ये बागमती नदीको पहिलेदेखि सफाइ भइरहेकाले महानगरपालिकाले यो नदी सफाइ गर्ने योजना बनाएको छैन ।

यसबाहेकका ८ वटा नदीको सफाइलाई नियमित सञ्चालन गरिनेछ ।

तस्वीर : मनीष अर्याल/नेपाल फोटो लाइब्रेरी