काठमाडौं, २८ असोज– २०७० माघ सात गते पहिलो बैठक बसेको संसदको आज अन्तिम बैठक शुरु भएको छ । २०७२ असोज ३ पछि संविधानसभाबाट रुपान्तरित संसदमा परिणत भएको संसद आजको विशेष बैठककाबीच सकिँदै छ ।

आजको बैठकमा संसदमा प्रतिनिधित्व गर्ने सबै दलका प्रमुखले विदाइ सम्बोधन गरेपछि सभामुख ओनसरी घर्तीले सदन समाप्त भएको औपचारिक घोषणा गर्नेछिन् ।

चार वर्षअघि संविधानसभा सदस्य निर्वाचन भएका सभासदले संविधान बनाएबापत विशिष्ठ प्रकारको पहिचान अंकित लोगो पाउने भएका छन् । समापन समारोहका लागि आजै सभामुख घर्तीले संसद परिसरमा रात्रिभोजको आयोजना गरेकी छिन् ।

प्रदेश र प्रतिनिधिसभा निर्वाचनका लागि भोलि समानुपातिक तर्फको उम्मेदवारी दर्ता हुने निर्वाचन तालिका भएकाले त्यसको अघिल्लो दिन आज मध्यरातदेखि नै संसदको अवधि सकिन लागेको हो ।

व्यवस्थापिका संसदको अन्तिम बैठक लाइभ हेर्नुहोस्