चलचित्र ‘ह्याप्पी न्यू इयर’ को गीत सार्वजनिक गरिएको छ । काठमाडौंमा आयोजना गरिएको एक कार्यक्रमका बीच फिल्मको गीत सार्वजनिक गरियो ।
ह्याप्पी न्यू इयर बोलको शीर्ष गीतमा विनोद ढकालको शब्द र संगीत रहेको छ भने नवराज बस्नेतले स्वर दिएका छन् । कुशल थापा र सन्ध्या केसीलाई गीतमा फिचरिङ गरिएको छ । फिल्ममा कुशल र सन्ध्या लगायत पुकार गौतम, ईश्वर थापा, पदम शाक्य लगायतका कलाकारको पनि अभिनय रहेको छ । प्रेमकथामा आधारित उक्त चलचित्रको अधिकांश छायांकन अस्ट्रेलियामा गरिएको हो ।
देवकुमार श्रेष्ठको लेखन, निर्देशन र पटकथा रहेको फिल्म आउँदो पुष १४ बाट प्रदर्शन हुँदैछ ।
