२९ असार २०८३, सोमबार
मधेश प्रदेश सरकारबाट नेकपा एमाले बाहिरिएको छ ।
६ जना मन्त्रीहरूले सामूहिक राजीनामा दिएर सरकारबाट बाहिरिएको एमाले संसदीय दलका नेता सरोज यादवले जानकारी दिए ।
'हामीले मन्त्रीबाट राजीनामा दिएका छौं । आजै सरकारलाई दिएको समर्थन पनि फिर्ता लिन्छौं', यादवले लोकान्तरसँग भने ।
यस अघि नेकपा माओवादी केन्द्र पनि सरकारबाट बाहिरिँदै समर्थन फिर्ता लिइसकेको छ ।
यससँगै जनता समाजवादी पार्टी नेपालका मुख्यमन्त्री सरोजकुमार यादव नेतृत्वको सरकार अल्पमतमा परेको छ ।
