सरकारले राष्ट्रसेवक सरकारी कर्मचारीको सेवा सुविधा समयानुकूल बनाउने घोषणा गरेको छ ।

मंगलवार संघीय संसदको संयुक्त सदनको बैठकमा राष्ट्रपति रामचन्द्र पौडेलले सरकारका नीति तथा कार्यक्रम बाचन गर्दै कर्मचारीलाई उत्प्रेरित र मनोबलयुक्त बनाइने बताएका हुन् । 

‘कर्मचारीको सेवा सुविधा समयानुकूल, आकर्षक, पूर्वानुमान योग्य र समयानुकूल बनाइने छ । राष्ट्र सेवकलाई व्यावसायिक उत्पेरित र उच्च मनोबल युक्त तुल्याइने छ’, नीति तथा कार्यक्रममा उल्लेख छ ।

कर्मचारीका संगठनले आगामी बजेट मार्फत तलब बढाउन माग गर्दै आएका छन् ।