१६ असार २०८३, मंगलबार
बर्दीबासबाट काठमाडौं फर्कँदै गरेको बस सिन्धुलीमा दुर्घटना भएको छ । महोत्तरीको बर्दीबासमा कार्यक्रम सकेर काठमाडौं फर्कँदै गरेका ग्लोबल आईएमई बैंकका कर्मचारीहरू दुर्घटनामा परेका हुन् ।
जिल्ला प्रहरी कार्यालय सिन्धुलीका अनुसार बागमती प्रदेश ०१०–०१–१७३२ नम्बरको पर्यटक बस बिहीबार अपराह्न दुर्घटना भएको हो ।
दुर्घटनामा घाइते भएकालाई स्थानीय अस्पताल खुर्कोटमा पठाइएको जानकारी सिन्धुलीका प्रहरी प्रमुख एसपी गोविन्दराज काफ्लेले दिए ।
बसमा बैंकका २५ र बसका दुईजना गरी २७ जना घाइते भएका छन् । बस सडकबाट खसेर स्थानीयको घर पछाडि अड्किएको थियो । ‘म दुर्घटनास्थलमै छु, घाइतेलाई खुर्कोट अस्पतालमा लगिएको छ,’ एसपी काफ्लेले भने,‘ तीन जनालाई अन्य अस्पतालमा रिफर गर्नुपर्ने देखिएको छ ।’
