पूर्वमन्त्री गोविन्दराज जोशीविरुद्धको भ्रष्टाचार मुद्दामा सर्वोच्च अदालतले आगामी साउन १३ गते निर्णय सुनाउने भएको छ ।

सहायक प्रवक्ता गोविन्द अधिकारीका अनुसार न्यायाधीशद्वय विनोद शर्मा र बालकृष्ण ढकालको इजलासले आइतबार दुवै पक्षको सुनुवाइ सकेर २१ असारसम्म बहस नोट पेश गर्न आदेश दिएको छ ।

सर्वोच्च अदालतले यही जेठ १ गतेदेखि जोशीविरुद्धको मुद्दामा निरन्तर सुनुवाइ गरेको थियो ।

अख्तियार दुरुपयोग अनुसन्धान आयोगले २०६० पुष १८ गते  पूर्वमन्त्री जोशीविरुद्ध ३ करोड ९३ लाख ६२ हजार ५७६ रुपैयाँ गैरकानूनी सम्पत्ति आर्जन गरेको आरोपमा भ्रष्टाचार मुद्दा दायर गरेको थियो ।

२०६९ साउन १० गते विशेष अदालतका अध्यक्ष गौरीबहादुर कार्की, सदस्यहरू ओमप्रकाश मिश्र र केदारप्रसाद चालिसेको इजलासले जोशीलाई भ्रष्टाचारको आरोपमा दोषी ठहर गरेको थियो ।

विशेषले जोशीलाई २ करोड १६ लाख १४ हजार ३७६ रुपैयाँ जफत र त्यति नै रकम जरिवाना हुने फैसला सुनाएको थियो ।