जर्मन क्लब बोरुसिया डर्टमन्डका रक्षक इयान म्याट्सेनलाई युरोपियन च्याम्पियनसिप (युरोकप) फूटबल प्रतियोगिता खेल्ने डच टोलीमा बोलाइएको छ ।

मिडफिल्डर फ्रयांकी डी जोङ घाइते भएपछि प्रशिक्षक रोनाल्ड कोम्यानले म्याट्सेनलाई टोलीमा बोलाएका हुन् । 

२२ वर्षीय म्याट्सेनले पहिलो पटक सियिनर टोलीमा स्थान बनाएका हुन् ।

२७ वर्षीय डी जोङ कुर्कुचाको चोटबाट निको हुन संघर्ष गरिरहेका छन् । गत मार्चमा चोट लागेयता उनले स्पेनिस क्लब बार्सिलोनाका लागि मात्र तीन खेल खेलेका छन् ।

चोट निको हुने आशामा प्रशिक्षक रोनाल्ड कोम्यानले डी जोङलाई टोलीमा समावेश गरेका थिए । तर, उनी पूर्ण रूपमा ठीक नभएका कारण जोखिम लिन नचाहेको डच फूटबल संघले जनाएको छ ।

युरोकप जुन १५ देखि जर्मनीमा शुरू हुँदैछ । नेदरल्यान्ड्सले जुन १६ मा पोल्यान्डसँग खेल्दै प्रतियोगिताको शुरूवात गर्नेछ ।