३१ जेठ २०८३, आइतबार
कर्तव्य ज्यान मुद्दाका दुई फरार अभियुक्तलाई प्रहरीले २३ वर्षपछि समातिएका छन् ।
उनीहरूलाई काठमाडौं उपत्यका अपराध अनुसन्धान कार्यालयले नियन्त्रणमा लिएको हो ।
पक्राउ पर्नेमा दोलखा घर भएर काठमाडौं कागेश्वरी–मनोहरा बस्ने केदार भन्ने दुर्गबहादुर दमाईं र साधुराम भन्ने खड्गबहादुर दमाईं छन् ।
दमाईंद्वयविरुद्ध दोलखा जिल्ला अदालतबाट २०५३ माघ २५ गते सर्वस्वसहित जन्म कैदको फैसला भएको थियो ।
शुरूमा उनीहरू प्रजातन्त्र दिवसका अवसरमा २०५६ चैत ७ गते कैद मिनाहामा छुटेका थिए । कैद मिनाहाविरुद्ध रिट परेपछि सर्वोच्च अदालतले फैसला गर्दै २०५८ मंसिर ७ गते उनीहरूले ११ वर्ष चार महिना १३ दिन कैद भुक्तान गर्न बाँकी रहेको उल्लेख गरेपछि उनीहरू फरार थिए ।
अनुसन्धान कार्यालयले टोलीले फैसला कार्यान्वयनका लागि दमाईंद्वयलाई नियन्त्रणमा लिएको जानकारी कार्यालयका प्रवक्ता एसपी अंगुर जीसीले दिए ।
