कटारीस्थित प्राकृतिक स्रोत व्यवस्थापन क्याम्पसको आफ्नै भवन निर्माण सम्पन्न भएको छ । भवन बिना नै  छ वर्षअघि स्थापना भएको क्याम्पसका विद्यार्थीले उदयश्री बहुमुखी क्याम्पसमा आश्रित भइ अध्ययन गर्दै आएका थिए ।

क्याम्पसले आफ्नै भवन निर्माण गरेको क्याम्पस व्यवस्थापन समितिका संयोजक केपी बरालले जानकारी दिए । 

भवनसँगै क्याम्पसका लागि आवश्यक कम्पाउण्ड, छात्रावास निर्माणका लागि पहल भइरहेको उनले बताए । कृषि तथा वन विज्ञान विश्व विद्यालय वन विज्ञान सङ्कायमार्फत रु छ करोड ४९ लाख चार हजार लागतमा कटारी–५ मा क्याम्पस भवन निर्माण भएको हो  ।