२८ जेठ २०८३, बिहीबार
अर्जेन्टिना कोपा अमेरिकाको नकआउट चरणमा पुगेको छ। बुधबार बिहान चिलीविरुद्ध १-० को कठिन जीत निकाल्दै अर्जेन्टिना क्वार्टरफाइनल प्रवेश गरेको हो ।
चिलीविरुद्ध अन्तिम समयसम्म गोलका लागि संघर्ष गरेको अर्जेन्टिनाका लागि खेलको ८८औँ मिनेटमा लाउटारो मार्टिनेजले गरेको गोल नै निर्णायक बन्यो ।
जितसँगै अर्जेन्टिनाले दुई खेलबाट ६ अंक जोडेको छ। पहिलो खेलमा अर्जेन्टिनाले क्यानडालाई २-० गोलअन्तरले पराजित गरेको थियो ।
चिली भने पहिलो खेलमा पेरुसँग गोलरहित बराबरीमा रोकिएको थियो ।
