विश्वकपको फाइनलमा चम्किए विराट कोहली, दक्षिण अफ्रिकालाई १७७ रनको लक्ष्य

आइसीसी टी २० विश्वकपको फाइनलमा भारतले दक्षिण अफ्रिकालाई जितका लागि १७७ रनको विशाल लक्ष्य दिएको छ । शनिबार बार्बाडोसको किङ्सटन ओभलमा टस जितेर पहिले ब्याटिङ गरेको भारतले निर्धारित २० ओभरको खेलमा ७ विकेट गुमाउँदै रन १७६ बनाएको हो । 

भारतको विशाल लक्ष्य बनाउने क्रममा  विराट कोहलीले उत्कृष्ट प्रदर्शन गरे । उनले ५९ बलको सामना गर्दै टीमका लागि ७६ रनको योगदान दिए । जसमा ६ चौका र २ छक्का समेत समावेश थियो । विश्वकपमा खासै चल्न नसकेका विराटले फाइनलमा भने उत्कृष्ट प्रदर्शन गर्दै भारतका लागि सम्मानजनक स्कोर बनाएका हुन् । 
यस्तै कप्तान रोहित शर्मा मात्र ९ रन बनाएर पभेलियन फर्किए भने ऋषभ पन्त शून्य रनमा आउट भए । 

यस्तै सूर्यकुमार यादव पनि ३ रन जोडेर आउट हुँदा अक्षर पटेलले ४७ रन बनाए । उनले १ चौका र ४ छक्का हिर्काए ।

यस्तै शिवम दुवेले पनि २७ रन बनाउँदा दक्षिण अफ्रिकाका लागि केशव महाराज र एनरिच नोर्टजेले २–२ विकेट लिए । त्यस्तै, मार्को यानसेन र कागिसो रबाडाले १–१ विकेट लिए ।