११ साउन २०८३, सोमबार
नेकपा एकीकृत समाजवादी (नेकपा एस)का अध्यक्ष माधवकुमार नेपालले अहिले पनि प्रतिनिधि सभा विघटनको खतरा रहेको बताएका छन् ।
नेकपा एसको महाधिवेशन उद्घाटन समारोहलाई आइतबार काठमाडौंमा सम्बोधन गर्दै नेता नेपालले प्रतिनिधि सभा विघटन गराउन खोज्नेप्रति सतर्क रहन आग्रह गरेका हुन् ।
‘अहिले पनि खतरा छ प्रधानमन्त्रीजी, सुनिन्छ- विघटन गरेर ठीक गरियो भनेर बोलिरहेका छन् । हिजो विघटन गरेर ठीक गरियो भन्नेले भोलि फेरि विघटन गरिदेलान् ख्याल गर्नुस् । विघटन गर्नुपर्ने अत्यावस्यकता छैन,’ नेपालले एमाले अध्यक्ष केपी शर्मा ओलीको नामै नलिई भने ।
नेता नेपालले पार्टी विद्रोहको औचित्य पटक-पटक पुष्टि भइसकेको दाबी गरे ।
‘पार्टी विद्रोहको औचित्य त्यही दिन पनि पुष्टि भएको थियो । विद्रोह नगरेको भए हामी या राजनीतिबाट सन्यास लिनु पर्थ्यो या आत्मसमर्पण गर्नुपर्थ्यो,’ नेपालले भने ।
