०३ साउन २०८३, आइतबार
काठमाडौंको दक्षिणकाली नगरपालिका- ५ थाई गुम्बा नजिकैको पर्खाल भत्किँदा पुरिएका ६ बालबालिकाको उद्धार गरिएको छ ।
शुक्रबार दिउँसो ३ बजेर ५० मिनेटको समयमा पर्खाल भत्किँदा उक्त गुम्बामा बस्ने ६ जना पुरिएका थिए ।
पर्खाल भत्किएलगत्तै इलाका प्रहरी कार्यालय फर्पिङबाट खटिएको प्रहरी टोलीले उनीहरूको उद्धार गरेको काठमाडौं उपत्यका प्रहरी कार्यालयका प्रवक्ता वरिष्ठ प्रहरी उपरीक्षक दिनेशराज मैनालीले जानकारी दिए ।
उनका अनुसार प्रहरी निरीक्षकसहितको टोलीले स्थानीयको सहयोगमा उनीहरूलाई उद्धार गरेर वयोधा अस्पताल बल्खुमा उपचारका लागि पठाएको छ ।
उद्धार गरेर उपचारका लागि पठाइएका मध्ये एक जनाको मृत्यु भएको छ ।
सिन्धुपाल्चोकका पल्जोम तामाङको मनमोहन स्मृति अस्पताल फर्पिङमा उपचार कै क्रममा मृत्यु भएको प्रहरीले जनाएको छ ।
