२९ असार २०८३, सोमबार
नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीले नयाँ सत्ता समीकरणमा दाबी गर्ने सहमति पत्रमा हस्ताक्षर गरेका छन् ।
नयाँ सरकारको गठनको लागि दाबी गर्न शुक्रबार साँझ दुई नेताले हस्ताक्षर गरेका हुन् ।
कांग्रेस र एमालेबीच असार १७ गते नयाँ सत्ता समीकरण बनाउने समझदारी भएको थियो । सो समझदारीअनुसार ओली पहिलो दुई वर्ष प्रधानमन्त्री बन्नेछन् । त्यसपछिको डेढ वर्ष देउवा प्रधानमन्त्री बन्नेछन् ।
प्रधानमन्त्री पुष्पकमल दाहाल 'प्रचण्ड'ले शुक्रबार विश्वासको मत पाएका थिएनन् ।
प्रचण्डले गरेको विश्वासको मतको प्रस्तावमा जम्मा ६३ मत परेको थियो ।
तर विपक्षमा दुई तिहाइ अर्थात १९४ सांसदले मत दिएका थिए ।
अब राष्ट्रपतिले नयाँ सरकार गठनको लागि आह्वान गरेपछि सरकारमा दाबी गर्ने तयारी दुवै दलले गरेका हुन् ।
