२५ जेठ २०८३, सोमबार
पूर्वी नवलपरासीको त्रिवेणीस्थित भारततर्फको बाल्मिकी नहरमा २ वटा पुरुष व्यक्तिको शव फेला परेको छ । शवको पहिचान हुन बाँकी छ ।
सशस्त्र प्रहरीका सहायक प्रवक्ता प्रहरी नायब उपरीक्षक शैलेन्द्र थापाका अनुसार उक्त शवको विषयमा सहजीकरण तथा समन्वयको लागि सशस्त्र प्रहरी बल नेपाल बोर्डर आउट पोस्ट त्रिवेणीबाट टोली खटिएको छ ।
त्रिवेणीबाट सशस्त्र प्रहरी निरीक्षकको कमान्डमा ७ जनाको टोली खटिएको थापाले बताए ।
उक्त शव आइतबार बेलुकी ५:४० मा फेला परेको हो ।
चितवनको सिमलतालस्थित त्रिशूली नदीमा बेपत्ता भएका बसमा सवार यात्रुको शव भएको अनुमान गरिएको छ ।
