२१ जेठ २०८३, बिहीबार
पहिलोपटक मन्त्री बनेकी नेपाली कांग्रेसकी केन्द्रीय सदस्य डा. आरजु देउवा राणालाई मन्त्रिपरिषद्मा सातौं वरीयता दिइएको छ ।
प्रधानमन्त्री कपी शर्मा ओली सरकारमा परराष्ट्र मन्त्री बनेकी देउवाले सातौं वरीयता पाएकी हुन् । दोस्रो वरीयतामा उपप्रधानमन्त्री प्रकाशमान सिंह, तेस्रोमा उपप्रधान एवं अर्थमन्त्री विष्णु पौडेल छन् ।
सञ्चारमन्त्री पृथ्वी सुब्बा गुरुङ, गृहमन्त्री रमेश लेखक र श्रम रोजगार तथा सामाजिक सुरक्षा मन्त्री शरतसिंह भण्डारी पछि आरजु छिन् ।
यसअघि मन्त्री बनिसकेका कतिपय मन्त्रीलाई आरजु पछिको वरीयता दिइएको छ ।
कांग्रेस सभापति शेरबहादुर देउवा पत्नीसमेत रहेकी आरजु प्रतिनिधि सभामा समानुपातिक सदस्य हुन् ।
यसअघि उनी कृषि तथा प्राकृतिक स्रोत समितिको सभापति बनेकी थिइन् ।
