१० साउन २०८३, आइतबार
प्रधानमन्त्री केपी शर्मा ओली चौथो कार्यकालकाे शपथ लिएपछि पदभार ग्रहण गर्न सिंहदबारस्थित कार्यालय पुगेका छन् ।
साेमवार शपथपछि लैनचौरको शहिद स्मारक र केन्द्रीय कार्यालय च्यासलमा पुगेर सहिद र पार्टीका संस्थापक नेताहरूको फोटोमा माल्यार्पण गरेपछि ओली सिंहदरबारस्थित प्रधानमन्त्री तथा मन्त्रिपरिषद्को कार्यालय पुगेका हुन् ।
प्रधानमन्त्री कार्यालयमा सचिवसहित कर्मचारीले ओलीलाई स्वागत गरेका छन् ।
ओली यसअघि २०७२, २०७४ र २०७८ मा गरी तीनपटक प्रधानमन्त्री भएका थिए ।
ओलीले दोस्रोपटक नेकपाकालीन समयमा झण्डै दुई–तिहाई बहुमतको हाराहारीको सरकारको नेतृत्व गरेका थिए ।
यसपटक पहिलो ठूलो दल नेपाली कांग्रेसको समर्थन र सहभागितापछि नेकपा (एमाले)का अध्यक्ष ओली दुई–तिहाई मतसहितको प्रधानमन्त्री बनेका छन् ।
राजनीतिक स्थायित्व दिने, अर्थतन्त्रमा सुधार ल्याउने, संविधानका कमजोरी सुधार्ने, नागरिकलाई डेलिभरी दिनेलगायत प्रतिबद्धता जनाउँदै दुई ठूला दलले सरकार बनाएका हुन् ।
