अखिल भारतीय थोक मूल्य सूचकाङ्क (डब्लूपीआई)मा आधारित मुद्रास्फीतिको वार्षिक दर वृद्धि भएको छ । 

मे महिनामा दुई दशमलव ६१ प्रतिशतको तुलनामा जुनमा तीन दशमलव ३६ प्रतिशत रहेको सङ्घीय वाणिज्य तथा उद्योग मन्त्रालयले सोमबार जनाएको छ ।

'यो सन् २०२४ मा मुद्रास्फीतिको सकारात्मक दर मुख्यतया खाद्य वस्तुहरूको मूल्य वृद्धि, खाद्य उत्पादनहरूको उत्पादन, कच्चा पेट्रोलियम र प्राकृतिक ग्यास, खनिज तेल, अन्य उत्पादन आदिको कारणले हो,' मन्त्रालयद्वारा जारी विज्ञप्तिमा उल्लेख छ । ​​

डब्लूपीआई खाद्य सूचकाङ्कमा आधारित मुद्रास्फीति वार्षिक दर सन् २०२४ जुनमा वार्षिक आधारमा बढेर आठ दशमलव ६८ प्रतिशत भएको छ ।

यो मे महिनामा सात दशमलव ४० प्रतिशत थियो ।
 
खाद्यान्नको मूल्यहरू जुन सन् २०२४ मा वार्षिक रूपमा ८.६८ प्रतिशतले वृद्धि भएको थियो, जुन मे महिनामा देखिएको ७.४० प्रतिशतले बढेको थियो ।

प्याजको हकमा मे महिनामा ५८ दशमलव ०५ प्रतिशतबाट जुनमा ९३ दशमलव ३५ प्रतिशत पुगेको छ ।

फलफूलको डब्लूपीआई पनि मे महिनामा पाँच दशमलव  ८१ प्रतिशतबाट बढेर जुनमा १० दशमलव १४ प्रतिशत पुगेको मन्त्रालयले सार्वजनिक गरेको मासिक तथ्याङ्कले देखाएको छ ।