११ साउन २०८३, सोमबार
ढाका– बङ्गलादेशमा हिंसात्मक आन्दोलनले उग्ररुप लिएपछि प्रधानमन्त्री शेख हसिनाले विदेश भ्रमण रद्द गरेकी छिन् ।
प्रधानमन्त्री हसिनाको आइतवारका लागि तय भएको स्पेन र ब्राजिलको भ्रमण विद्यमान अवस्थाका कारण रद्द गरिएको उनका प्रेस सचिव नइमुल इस्लाम खानले जानकारी दिएका छन् ।
विद्यार्थी आन्दोलनले चर्कोरुप लिँदै गएपछि मुलुकका विभिन्न शहरमा सैनिकहरू तैनाथ गरिएको छ ।
अस्पतालका झडपमा अहिलेसम्म कम्तीमा १०५ जनाले ज्यान गुमाइसकेका छन् । बङ्लादेशमा जारी आन्दोलन नियन्त्रण गर्न प्रहरी असफल भएपछि प्रधानमन्त्रीको कार्यालयले गत मध्यरातबाट सेना परिचालन र कफ्र्यू आदेश जारी हो ।
सरकारले नागरिकहरूको सहायताका लागि कफ्र्यू लगाउने र सेना तैनाथ गर्ने निर्णय गरेको प्रधानमन्त्रीका प्रेस सचिव खानले बताएका छन् ।
राजधानी ढाकाका सडकहरू शुक्रवार बिहानैदेखि सुनसान छन् । सेना र बख्तरबन्द कर्मचारी वाहकले गस्ती गरिरहेका छन् । यसै क्रममा कफ्र्यूलाई बेवास्ता गर्नेलाई प्रहरीले घर फर्काइ रहेको छ ।
कफ्र्यू आइतवारसम्म कायम रहने निजी प्रसारण च्यानल–२४ ले रिपोर्ट गरेको छ ।
