२८ जेठ २०८३, बिहीबार
मौद्रिक नीति सार्वजनिक भएपछिको पहिलो दिन शेयरबजारमा उछाल देखिएको छ ।
आइतबार १ सय १३ दशमलव ४२ अंकले वृद्धि भएर नेप्से परिसूचक २६८१ दशमलव ५६ अंकमा पुगेको छ । यसक्रममा शेयर बजार परिसूचक ४ दशमलव ४१ प्रतिशतले बढेको हो ।
बैंकिङ समूहका लगानीकर्ताले आइतबार सबैभन्दा बढी कमाएका छन् ।
१२ कम्पनीको शेयर मूल्य १० प्रतिशतले बढेको छ, जसमा अधिकांश वाणिज्य बैंक छन् ।
आइतबार कारोबार शुरू भएको २ मिनेट नपुग्दै बजार ४ प्रतिशतले बढेर पहिलो सर्किट लागेको थियो ।
त्यसको २० मिनेटपछि खुलेको बजार ५ प्रतिशतले वृद्धि भएपछि दोस्रोपटक ४० मिनेटका लागि बन्द भयो ।
त्यसपछि भने बजार केही स्थीर देखिएको थियो ।
३ बजे कारोबार बन्द हुँदासम्म बजारले पुनः लय लिँदै २६ सय ८१ मा अंकमा पुगेर रोकिएको छ ।
