सूर्यज्योति लाइफ इन्स्योरेन्स कम्पनी लिमिटेडले कर्मचारीहरूलाई  सम्मान गरेको छ।

आर्थिक वर्ष (आव) २०८०/८१ व्यावसायिक उपलब्धिको मूल्याङ्कन गर्दै उत्कृष्टता हासिल गर्ने कर्मचारीहरूलाई  सम्मान गरिएको हो ।

करिब २२० भन्दा बढी कर्मचारीहरूको उपस्थितिमा  पोखरास्थित होटल पोखरा ग्रण्डेमा सेल्स कन्भेन्सन २०८१/८२ भव्यताका साथ सम्पन्न गरिएको कम्पनीले जनाएको छ ।

उक्त कार्यक्रममा उपस्थित सम्पूर्ण सहभागीहरूलाई कम्पनीका गण्डकी प्रदेश प्रमुख रामजी बरालले स्वागत गरेका थिए।

कार्यक्रममा सञ्चालक समिति अध्यक्ष केशवप्रसाद भट्टराईको प्रमुख आथित्यतामा सञ्चालक सदस्यहरू हेमन्त नाहटा, आकाश गोल्छा र चूडामणि  देवकोटालगायतको उपस्थिति थियो ।

साथै कम्पनीका प्रमुख कार्यकारी अधिकृत प्रकाशविक्रम खत्री, वरिष्ठ नायब प्रमुख कार्यकारी अधिकृत पवनकुमार खड्कालगायत उच्च पदाधिकारी र विभागीय प्रमुखहरूको उपस्थिति थियो ।

कार्यक्रममा बिमा शुल्क संकलन, अभिकर्ता नियुक्ति,बिमालेख बिक्री संख्या र वार्षिक लक्ष्य हासिलका आधारमा उत्कृष्ट बनेका देशभरिबाट उत्कृष्ट प्रदेश प्रमुख, क्षेत्रीय प्रमुख, शाखा प्रबन्धकहरूलाई सम्मान गरिएको थियो ।

उक्त कार्यक्रममा सबै विधामा सर्वोत्कृष्ट ३ जनालाई कम्पनीका सञ्चालकहरूद्वारा प्रशंसा-पत्र र अध्यक्ष केशवप्रसाद भट्टराईले ट्रफी प्रदान गरेका थिए ।​​

देशैभरका करिब ४० जना उत्कृष्ट कर्मचारी सम्मानित भएका कम्पनीले जनाएको छ ।

जसमध्ये  सक्रिय अभिकर्ता भर्ना अन्तर्गत ४ जना, बिमालेख बिक्री संख्या अन्तर्गत ३, बिमा शुल्क संकलन अन्तर्गत १३, व्यवसाय विस्तारमा सक्रिय अन्तर्गत ४, वार्षिक लक्ष्य हासिल गर्ने ११ जना लगायतलाई कम्पनीले ​ Employee of the Year विधा अन्तर्गत सर्वोत्कृष्ट ५ जनालाई  सम्मानित गरेको हो ।

Branch Operation अन्तर्गत सुमन कर्माचार्य -धनगढी  शाखा, Sales Executive अन्तर्गत प्रकाश पोखरेल -पोखरा नयाँ बजार शाखा, Branch Manager अन्तर्गत खेमबहादुर घर्ती -बुटवल पाल्पारोड शाखा, Regional Manager अन्तर्गत प्रमिला पराजुली -बनेपा रिजनलाई सम्मानित गरेको थियो ।

साथै Province Head अन्तर्गत सुदूरपश्चिम प्रदेशबाट उत्कृष्ट व्यावसायिक लक्ष्य हासिल गर्न सफल भएका स्व. जगदीशप्रसाद भट्टको नाममा श्रद्धाञ्जली दिँदै  सम्मानित गरिएको थियो ।

उक्त कन्भेन्सनमा सहभागी कर्मचारीहरूले  कम्पनीको हालको अवस्था र कम्पनीको आगामी बजार विस्तार योजनासम्बन्धी अझ विस्तृत ज्ञान हासिल गरेका कम्पनीको विश्वास छ ।