०६ साउन २०८३, बुधबार
पोखरामा विद्यार्थी बोकेको स्कुल बस दुर्घटना भएको छ । पोखरा महानगरपालिकाका-२१ दुर्खुमा सोमबार बिहान स्कुल बस दुर्घटना भएको प्रहरीले जनाएको छ ।
जिल्ला प्रहरी कार्यालय कास्कीका अनुसार एलपी देवकोटा मेमोरियल विद्यालयको ग १ क ६२ १९ नम्बरको बस विद्यार्थीसहित दुर्घटनामा परेको हो ।
दुर्घटनामा केही विद्यार्थी घाइते भएका छन् । घाइते विद्यार्थीलाई उपचारका लागि अस्पताल ल्याइएको प्रहरीले जनाएको छ ।
उनीहरूको अवस्थाबारे यकिन भइसकेको छैन ।
बसमा २२ जना विद्यार्थी सवार थिए ।
