०८ साउन २०८३, शुक्रबार
सहकारी ठगी सम्बन्धमा गठन भएको संसदीय छानबिन समितिमा नेपाली कांग्रेसको तर्फबाट सदस्य फेरिएका छन् ।
बद्री पाण्डे मन्त्री बनेपछि उनको ठाउँमा दीलेन्द्र बडू सदस्य बनेका हुन् ।
मंगलबार बसेको प्रतिनिधिसभा बैठकमा सभामुख देवराज घिमिरेले पाण्डेको ठाउँमा बडूलाई मनोनयन गरिएको जानकारी गराएका हुन् ।
गत जेठ १५ गते नेकपा एमालेका सांसद सूर्य थापाको संयोजकत्वमा बनेको समितिमा पाण्डे सदस्य थिए । असार ३१ गते मन्त्री बनेपछि पाण्डे छानबिन विशेष समितिबाट हटेका थिए ।
यस्तै कांग्रेस सांसद मोहनबहादुर बस्नेत शिक्षा तथा स्वास्थ्य समितिबाट लेखा समितिमा सरेका छन् ।
कांग्रेसकै सीता गुरुङ कानून समितिबाट पूर्वाधार विकास समितिमा सरेकी छिन् ।
