काभा महिला नेसन्स लिगमा नेपालले माल्दिभ्सलाई सोझो सेटमा पराजित गरेको छ ।

यसअघि भारतले सोझो सेटमै श्रीलंकालाई पराजित गरेकाले नेपाल तालिकामा पहिलो स्थानमा पुग्न सकेन ।

माल्दिभ्सविरुद्ध नेपालले पहिलो सेटदेखि अधिकांश दोस्रो रोजाइका खेलाडी उतारेको थियो । 

जसमा पहिलो सेटमा २५–८, दोस्रोमा २५–१८ र तेस्रोमा २५–१८ ले पराजित गरेको हो । 

भारतले श्रीलंकालाई सोझो सेटमा पराजित गरेपछि सेमिफाइनलको प्रतिद्वन्द्वी टुंगो लागिसकेको थियो ।

भारतको सीधा जीतपछि नेपाल पहिलो हुन सकेन । 

अब सेमिफाइनलमा दोस्रो भएको नेपालले इरान र पहिलो भएको भारतले चौथो स्थानको श्रीलंकासँग खेल्नेछ । 

नेपालको सेमिफाइनल मंगलबार सवा ५ बजे हुनेछ । 

आइतबार प्रतिस्पर्धात्मक खेलमा नेपाल इरानसँग २/२ बराबरीपछि १५–१३ ले पराजित हुन पुगेको थियो ।