१० साउन २०८३, आइतबार
नेपाल सरकारले बङ्गलादेशको पछिल्लो विकसित राजनीतिक घटनाक्रमलाई नजिकबाट नियालिरहेको जनाएको छ ।
परराष्ट्र मन्त्रालयले बुधबार जारी गरेको विज्ञप्तिमा बंगलादेशमा विगत केही हप्तादेखि जारी विरोध प्रदर्शनका क्रममा भएको जनधनको क्षतिप्रति नेपाल सरकार अत्यन्त चिन्तित रहेको उल्लेख गरिएको छ ।
‘हामी ज्यान गुमाउनेका परिवारजनप्रति हार्दिक समवेदना र समवेदना प्रकट गर्दछौँ र घाइतेसबैको शीघ्र र पूर्ण स्वास्थ्यलाभको कामना गर्दछौँ’, विज्ञप्तिमा भनिएको छ ।
नेपाल सरकारले सबै पक्षलाई शान्त र संयमित हुन आह्वान गर्दै लोकतान्त्रिक प्रक्रियामा व्यवस्थित पुनरागमनको महत्वमा जोड दिएको छ । बङ्गलादेशका जनता देशलाई शान्ति र स्थिरतातर्फ लैजान सक्षम रहेको नेपाल सरकारको विश्वास छ ।
